Танай цахим хуудас гар утас, компьютер 2-оос ороход өөр өөр харагдаж байна.

Гар утасны дэлгэц ширээний компьютертэй харьцуулахад жижиг дэлгэцтэй байдаг тул хэрэглэгчид ашиглахад хялбар байлгах үүднээс өөр өөр харагддаг.

Таблет болон гар утас дээр ном унших нь юугаар илүү вэ?

Таблет болон гар утас нь зөөвөрлөхөд хялбар хөнгөхөн, байнга биед ойрхон байдаг тул илүү зардал гаргахгүйгээр ном уншихад маш тохиромжтой.

Цахим ном хэвлэмэл номоос үнэтэй юу?

Хэвлэмэл ном нь цаас, будаг, химийн шингэн гэх мэт бодит зардал ихтэй байдаг тул өртөг өндөртэй байдаг. Цахим ном нь байгальд ээлтэй технологи бөгөөд хэвлэмэл номоос харьцангуй хямд үнээр зарагддаг.

Ямар төхөөрөмж дээр ном уншиж болох вэ?

Андройд үйлдлийн системтэй бүх (гар утас, таблет гм) төхөөрөмж дээр Az - ном уншигч програмыг үнэгүй суулган унших боломжтой.

Програмаа яаж шинэчлэх вэ?

Таны төхөөрөмж интернэтэд холбогдсон үед автоматаар сүүлийн хувилбар суулгахыг санал болгодог тул тухай бүр шинэчлэлтүүдийг хийж байх хэрэгтэй. Шинэчлэлт нь өмнөх хувилбарыг үгүйсгэхгүй ба програмчлалын алдаанууд засагдаж сайжирсан байдаг.

Цэнэглэгч карт гэж юу вэ?

Цэнэглэгч карт гэдэг нь bookstore.mn сайтаас гаргасан 3000, 5000, 10000, 15000, 20000 төгрөгийн дүнтэй карт бөгөөд тухайн үнийн дүнтэй тэнцэх ном худалдаж авах боломжтой. Тус картыг бүх номын дэлгүүрүүд болон бусад гэрээт борлуулагч нараас худалдан авах боломжтой.

Миний уншихыг хүссэн ном танай дэлгүүрт байхгүй байна.

Бид зохиогчийн эрхийн асуудлыг тэргүүн зэрэгт тавьж хүндэтгэн ажилладаг тул одоогийн байдлаар байхгүй байж болно. Та бидэнд уншихыг хүссэн номын талаарх мэдээллийг хүргүүлснээр бидний зүгээс хичээнгүйлэн ажиллаж аль болох таньд хүргэхийг хичээн ажиллах болно.

Хайсан номоо яаж хурдан олох вэ?

Хайлт хэсэг дээр олох гэж буй номын мэдээллийн аль нэг утгыг бичихэд тухайн утгатай ойролцоо үг орсон хувилбаруудыг танд харуулах болно.

Ном уншигч програмыг хаанаас татаж авах вэ? Үнэтэй юу?

Та андройд үйлдлийн системтэй төхөөрөмж дээр Android market цахим хуудаснаас Az - ном уншигч програмыг үнэгүй татан авч ашиглах боломжтой.

Худалдаж авсан номоо програм дээрээс устгачихлаа дахиж сэргээж болох уу?

Болно. Цахим хуудсанд нэвтэрч ороод хувийн данснаас хичнээн ч удаа татаж авах боломжтой.

Худалдаж авсан номуудаа татаж авах тоо хязгаартай юу?

Та худалдаж авсан номоо өөрийн 3 ширхэг төхөөрөмж дээр унших боломжтой бөгөөд уг төхөөрөмжүүд дээр хичнээн ч удаа татаж унших боломжтой.

Худалдаж авсан номыг буцааж болох уу?

Цахим ном нь тоон технологи дээр бүтээгдсэн тул буцаах боломжгүй. Сонголтоо зөв хийнэ үү!

Өөрийн зохиосон номоо танай сайтаар дамжуулан борлуулж болох уу?

Болно. Бид зохиолч нартай хамтран ажиллахдаа үргэлж таатай байх болно. Та энд дарж бидэнтэй холбогдоно уу.

Энд бичигдээгүй асуух зүйл байвал хаана хандах вэ?

Төгс хийгдсэн технологи гэж одоогоор үгүй тул уг системтэй холбоотой санал, гомдол, хүсэлт, ойлгомжгүй зүйл байвал холбоо барих хэсэгт байгаа мэдээллийн хэрэгсэлүүдээр дамжуулан бидэнтэй холбогдох боломжтой. Таны ирүүлсэн санал хүсэлт, урмын үг бүхэн бидний цаашдын ажил үйлсэд үнэтэй хувь нэмэр оруулна гэдэгт гүнээ найдаж байна.