Хүүхэд багачуудын хайртай зохиолч Самуил Маршак 1855 онд мэндэлжээ. Түүний эцэг Яков Миронович Маршак нь жирийн нэгэн үйлдвэрийн мастер, еврей хүн байжээ. Маршак хэмээх гэр бүлийн нэр нь "Манай багш Аарон Шмуэль Кайдановер" гэдэг үгийн товчлол байсан гэдэг юм. Самиулийн бага нас, сургуулийн он жилүүд нь Воронежийн ойролцоох Острогож хотноо өнгөрчээ. Түүнийг бүр Гимназид суралцаж байхаас нь утга зохиолын багш нь сонгодог яруу найрагт дуртай болгож, анхны бүтээлүүдийг нь урамшуулан дэмжиж байсан байна. Багш нь түүнийг Бундракинд гэж өхөөрдөн нэрлэдэг байжээ. Энэ нь "Гоц авъяастан" гэдэг утгатай үг л дээ. Анх Маршакийн шүлэгтэй нэгэн дэвтрийг Оросын алдарт урлаг судлаач В.Стасов хэмээх хүн олж үзээд ихэд таашаасан бөгөөд энэ хүн идэр залуу Маршакийн уран бүтээл, амьдралд чухлаар нөлөөлсөн гэдэг. Самиул Маршакийн алдарт үлгэрүүдийг олон үндэстний үе үеийн хүүхэд багачууд, мөн бидний эцэг эхчүүдь эмээ өвөө нар хүртэл амтархан уншиж өсөцгөөсөн юм билээ.