1959 онд Говь-Алтай аймгийн Алтай хотод төржээ. Зохиолч, орчуулагч.

1992 онд МУИС-ийн хятад хэлний анги төгсөж багш орчуулагч болж сургуульдаа багшилжээ. Бас Германы Гумбольдын их сургуульд зочин багшаар ажиллаж байлаа. Эдүгээ Монголоос БНХАУ-д суугаа элчин сайдын яаманд ажиллаж байна. Наяад оноос уран зохиол бичиж, хятад хэлнээс орчуулга хийжээ. 2003 онд хятадын сонгодог зохиолын орчуулгаараа МЗЭ-ийн шагнал авчээ. Монголын утга зохиолын судлал, шинжлэл, орчуулгын онол, судалгааны холбогдолтой “Их Нацагийг эргэж дурсахуй”, “Монголын утга зохиол эргэж сэрээсэй, сэрээсэй”, “Орчуулга амаргуй үйл” зэрэг өгүүллүүд бичиж нийтлүүлжээ.