Энэхүү бичвэрүүдийг ном гэж нэрлэнэ үү, юу гэж нэрлэнэ үнэндээ таны л дур. Миний хувьд жирийн нэг залуу өөрийнхөө дотоод ертөнцийг дэлгэж сууна. Зөвхөн өөртөө бичээд дараад үлдээчихээгүйг бодохоор хэн нэгнийг уншаасай, ямар нэг зүйлийг бодоосой л гэсэндээ бичсэн зүйлс болж таарах нь. Хүнд чөлөөт сэтгэлгээ, дотоод орон зай хязгааргүй заяасанд би үргэлж талархаж явдаг. Ингээд хошигнол, ёжлол, егөөдөл, харуусал, бахархал, баяр хөөр холилдсон угаасаа ойлгомжгүй миний ертөнцөд тавтай морил. Энэ ертөнцөд боорцог ч бий, сарнай ч бий.
