Өтгөн бас хүйтэн чийглэг хүдэн мэт хэний ч амьдралд тохиолдож болох орчлонгийн зовлон, шаналан зүдгүүрийг гэтлэн гарахыг хүсэн тэмцэж буй өнөөгийн хүмүүсийн тухай өгүүлэх долоон өгүүллэг, нэг тууж, нэг роман. Энэхүү ном нь кино зохиолч, найруулагч Л.Таванбаярын хүүрнэл зохиолын төрлөөр гаргаж буй анхны ном бөгөөд Монголын уламжлалт утга зохиолын бичиглэлийн хэлбэрийг орчин цагийн сэтгэлгээний уран зохиолын арга барилтай хослуулан бичсэн бүтээл юм.
