Бид бүгд хүүхэд насыг туулж ирсэн билээ. Бид аав ээжээсээ хайр халамж, орчин тойрноосоо тусламж дэмжлэг авсаар өдий хүрсэн. Бид өв тэгш өсөөгүй байж болох боловч хүүхдүүдийнхээ төлөө бүхнийг бий болгох гэж хичээж ирсэн. Хүүхэд ахуй насандаа аав ээжийнхээ зарим алдааг харж “Би хэзээ ч өөрийнхөө хүүхдэд ингэж хандахгүй” гэж хэлдэг байсан. Одоо бид өөрсдөө хүүхдүүдтэйгээ нүүр тулах үлдлээ. Бүх юм бидний гарт, ямар хүн болох нь биднээс шалтгаалах цаг болжээ. Заримдаа үнэхээр яахаа мэдэхээ байж, хүүхэд хүмүүжүүлэх чинь ямар хэцүү юм бэ гэж зовлон тоочих ч үе гардаг.
Эцэг эхчүүд хамгийн сайхан болон хамгийн хэцүү мэргэжлийн тухай хэдий их ном уншсан ч, хэдий их нэвтрүүлэг хийсэн ч багадана. Энэ номыг унших явцдаа үүнийг бүү мартаарай “тэд нар хүүхэд” бөгөөд хэзээ ч хүссэнээр чинь байж чадахгүй. Өв тэгш өө сэвгүй хүүхдүүд зөвхөн номд л байдаг.
